رساله الى اعداء البلبل ................ بقلمي
اليطربله الكلب لتدونه عالاوراق
واجب عالدليل ايصير تدوينه
الاخضر لايغرك شوفه نابت وين
كلب زين كاعه اتعرفه من طينه
...الخله البلكشر قط ماتشين انسان
اذا باللب ابنادم خلته اتشينه
طك ابطك رحت احجي اويه ايا كان
ماكضه الكلب طكت براكينه
اعوج راح اكله الاعوج ابلاخوف
ماجامل وكولن عدله رجلينه
وصبع مااحط ابعينه بس ورتاح
احط العشر اصابع كلهن ابعينه
ورده اويه الورد ولساني ماي ايصير
بس ويه اليغثني انكلب سجينه
كافي انصير نخله وطيب ننزف دوم
لزيد انذب رطب وحجار يرمينه
بعد كافي التجارب سوتنه اكلوب
المواقف علمتنه البيهه مرينه
الذيب انكله ذيب ونسب جهرا بي
اذا ريحة غدر بثيابه شمينه
لتجيب العطاء وانه وانه تكول
احنه بيا زمن بخلت قوافينه
صور شبعنه اذانه وصفك الذواق
ماطبنه الغرور وكلنه مطينه
البلبل مايطربك نعرف الاسباب
كلمن عده دين وقانع ابدينه
اعتاديت النهيق ودين لذنك صار
جي من صنفه انت ونفس تكوينه
انت ومرجعك وشعندك من اتباع
ولك مده قرن عد العدد لينه
بحور اشما ردت تجهبنه ترجف خوف
جدمك حلم يحلم طب شواطينه
نطرب عالجرح لو كثرن اللجمات
من حر الوجع مو بطر غنينه
وجي نستلذ بي ماردنه جرح يطيب
بشفاف الجرح صم ملح ذرينه
اسيادك تره احنه وانت تعرف زين
صنعنه اشكد بشر واجيال ربينه
لذلك فرض واجب صار هسه اعليك
تسجد كون لمن تقره اسامينه
تحياتي لكم
اليطربله الكلب لتدونه عالاوراق
واجب عالدليل ايصير تدوينه
الاخضر لايغرك شوفه نابت وين
كلب زين كاعه اتعرفه من طينه
...الخله البلكشر قط ماتشين انسان
اذا باللب ابنادم خلته اتشينه
طك ابطك رحت احجي اويه ايا كان
ماكضه الكلب طكت براكينه
اعوج راح اكله الاعوج ابلاخوف
ماجامل وكولن عدله رجلينه
وصبع مااحط ابعينه بس ورتاح
احط العشر اصابع كلهن ابعينه
ورده اويه الورد ولساني ماي ايصير
بس ويه اليغثني انكلب سجينه
كافي انصير نخله وطيب ننزف دوم
لزيد انذب رطب وحجار يرمينه
بعد كافي التجارب سوتنه اكلوب
المواقف علمتنه البيهه مرينه
الذيب انكله ذيب ونسب جهرا بي
اذا ريحة غدر بثيابه شمينه
لتجيب العطاء وانه وانه تكول
احنه بيا زمن بخلت قوافينه
صور شبعنه اذانه وصفك الذواق
ماطبنه الغرور وكلنه مطينه
البلبل مايطربك نعرف الاسباب
كلمن عده دين وقانع ابدينه
اعتاديت النهيق ودين لذنك صار
جي من صنفه انت ونفس تكوينه
انت ومرجعك وشعندك من اتباع
ولك مده قرن عد العدد لينه
بحور اشما ردت تجهبنه ترجف خوف
جدمك حلم يحلم طب شواطينه
نطرب عالجرح لو كثرن اللجمات
من حر الوجع مو بطر غنينه
وجي نستلذ بي ماردنه جرح يطيب
بشفاف الجرح صم ملح ذرينه
اسيادك تره احنه وانت تعرف زين
صنعنه اشكد بشر واجيال ربينه
لذلك فرض واجب صار هسه اعليك
تسجد كون لمن تقره اسامينه
تحياتي لكم