يلتصلي جذب غشاش حته بهاي
شلون تصح صلاة بغير ما تركع
عكرب انته عكرب ما امن بيك
بس اندار عنك بالغفل تلســـــع
لتزور ودادك تدري أعرفك زين
اخذ عبره النجم بالغبشه ما يلمع
وافهم ما تهزني بدمع لعيـــون
دمع تمساح دمعك لا تظل تدمع
ماشيتك دهر طبعك اتيه شلون
نار شما كلت من طيب ما تشبع
تعد روحك عليه بحسبة الزينين
وانته شما اكلب بيك ما تنفــع
عاشرتك جرح تسحن بهاي الروح
واضم جرحي عليه وبلكلب اخدع
ووديلك فرح من تحزن انته بيوم
ما تملي عيونك فرحتي وتطمع
لتحاول تبرر ما احير ويـــــــاك
افهمه الصبغ بالماي يتشلــع
ولتكلي السهر ذبل سواد العين
مــرات الجفن من القلق يهجــع
بعت كلبي برخص شسوي جاي اليوم
اكرع انه وانته المــــا تحب اكــرع
تذكرني بعذابي العاشه كلبي ويـــاك
حسبالك بعدني بحبك مـــــولع
ما أريدك نسيتك روح عمي شبيك
لتحاول تجيني ولا ألك ارجـــــــــــع
شلون تصح صلاة بغير ما تركع
عكرب انته عكرب ما امن بيك
بس اندار عنك بالغفل تلســـــع
لتزور ودادك تدري أعرفك زين
اخذ عبره النجم بالغبشه ما يلمع
وافهم ما تهزني بدمع لعيـــون
دمع تمساح دمعك لا تظل تدمع
ماشيتك دهر طبعك اتيه شلون
نار شما كلت من طيب ما تشبع
تعد روحك عليه بحسبة الزينين
وانته شما اكلب بيك ما تنفــع
عاشرتك جرح تسحن بهاي الروح
واضم جرحي عليه وبلكلب اخدع
ووديلك فرح من تحزن انته بيوم
ما تملي عيونك فرحتي وتطمع
لتحاول تبرر ما احير ويـــــــاك
افهمه الصبغ بالماي يتشلــع
ولتكلي السهر ذبل سواد العين
مــرات الجفن من القلق يهجــع
بعت كلبي برخص شسوي جاي اليوم
اكرع انه وانته المــــا تحب اكــرع
تذكرني بعذابي العاشه كلبي ويـــاك
حسبالك بعدني بحبك مـــــولع
ما أريدك نسيتك روح عمي شبيك
لتحاول تجيني ولا ألك ارجـــــــــــع